Q&A: Inuussutissarsiortunut ikiorsiissutissat pillugit apeqqutit

Apeqqut toorukku akissutaa takussavat:

Uani akineqarsimanngitsunik apeqqutissaqaruit uunga allagit info@innovation.gl, imaluunniit uunga sianerit 34 28 80.

 

suliffeqarfiit:

ASSERSUUTIGALUGU TIMMISARTUNIK TIKITTOQARTANNGINNERA PEQQUTIGALUGU MATUSARIAQARSIMAGAANNI TAAVA ”PINNGITSAALISAALLUNI MATUSAASIMASSAVA'?

NAAMIK.

"SILLIMANIARNEQ PEQQUTIGALUGU MATUSAASIMAGAANNI" TAAVA PINNGITSAALISAALLUNI MATUSAASIMASSAVA? 

AAP.

Suliffeqarfik suli kaaviiaartitaqarsimaguni pinngitsaaliissummik matusimassava?

Neriniartarfiit take-away-nik suliaqarsinnaasut, suliffeqarfiit assigiinngitsunik suussusilinnik ingerlatsisartut, passussisarfiit nukinginnartumik suliarineqartussanik tigusisartut il.il. pinngitsaaliissummik matusineq pissutigalugu kaaviiaartitaminni minnerpaamik 60 %-imik annaasaqarsimagunik, pinngitsaaliissummik matusimasutut isigineqassapput.

Aningaasartuutinut aalajangersimasunut
taarsiissutit, procentinngorlugu.

Kaaviiaartitani annaasat missingersorneqartut katillugit

0 - 29,9 %

30 - 59,9 %

60 - 79,9 %

80 - 100 %

Pinngitsaaliissummik matusineq 
pissutigalugu kaaviiaartitani annaasat 
missingersorneqartut

0 - 29,9 % 

taarsiivigineqas-
sanngilaq 

25 %  

50 % 

80 % 

30 - 59,9 % 

Periarfis-
saanngilaq 

25 % 

50 % 

80 % 

60 - 100 % 

Periarfis-
saanngilaq

Periarfis-
saanngilaq

100 %

100 %

Taavami pinngitsaaliissummik matusineq qaammatip qiteqqunnerani aallartippat imaluunniit atorunnaarsinneqarpat?

Suliffeqarfik qaammatip affaa sinnerlugu pinngitsaaliissummik matuneqarsimappat, qaammat tamakkerlugu aningaasartuutinut aalajangersimasunut tamanut 100 %-imik taarsiisoqassaaq.

 

Ataatsimoortitat aamma suliffeqarfiit tapiiffigineqarsinnaasut:

pinasuartumik imaluunniit ataatsimoortumik ikiorsiissutit?

Ikiorsiissutit tamarmik ammapput, tamarmillu imaat assigiipput, taamaattumik ernumassanngilatit arlaannaalluunniit toqqaraluarukku.

Taamaatitsiinnarnerit aningaasartuutillu aalajangersimasut taartisissutigineqarsinnaappat?

Aap.

Maana aamma sulisunut aningaasarsiat qinnutigineqarsinaappat?

Naamik, uani atuakkit aaqqissuussat allat : https://www.businessingreenland.gl/da/COVID-19

Suliffeqarfiit sorliit suliffissuarmut atasuuppat?

Suliffeqarfiit arlaminnit pigineqartut, tassani aappaa aapparminut aalajangiisuusumik sunniuteqarluni.

Suliffeqarfiit inunnit taakkunannga imaluunniit inunnit imminnut qanigisariittunit aalajangiisuusumik sunniuteqartunit pigineqartut.

Taamaattoq aatsaat suliffeqarfiit ataatsikkut inuussutissarsiutit assigiiaat iluanniippata, imatut paasillugu inuussutissarsiutinut ilisarnaatini DB07-imi suussutsimi pingaarnermi ataatsimiittut.

Aappariit suliffeqarfii tamarmik immikkut annerpaaffilinnik aningaasartaqassappat?

Naamik. Akiliisinnaajunnaarnernut inatsit malillugu ilaqutariit imminnut qanigisariittut suliffeqarfii suliffissuarmut atasutut isigineqartussaapput. Tassa imaappoq katissimallutik aappariit marluk, imaluunniit inooqatigiittut, inuit taakkua tamarmik immikkut suliffeqarfimminnut piginnittuuppata, suliffeqarfiit taakkua tapersiissutissat annerpaaffissaattut killiliussaq 1 mio. koruunit avissavaat, taamatullu aapparisap

atorfeqartinneqarneranut atatillugu, aapparisap peqatigisaanik suliffeqarfimmut taarsiivigineqarnissamut qinnuteqartumut piginnittuusimanngippat, annerpaaffissatut killiliussaq aamma atuuttussaavoq.

 

Toqqaannartumik pisussanik taamaatitsinermut atatillugu taarsiissuteqarneq:

Kikkut tamarmik kaaviiaartitani annaasaqarnernut taarsiivigineqarsinnaappat?

Naamik, aatsaat toqqaannartumik taamaatitsinerit uppernarsarneqarsinnaappata, imaluunniit COVID-19-mut ersarissumik atassuteqartumik kaaviiaartitat aalajaatsuugaluartut tassanngaannaq apparneranni, taakkua 75 %-imik taarsiivigineqarsinnaapput (23.000,- / 46.000,- tikillugit). Kaaviiaartitat tassanngaannaq apparnerat isumaqarpoq kaaviiaartitat ullut 7-it ingerlaneranni, ullut 7-it siuliini annertussusaata annerpaamik 40 %-anik apparsimasoq.

Piginnittut arlaqarpata (ass. I/S imaluunniit ApS), piginnittut ataasiakkaarlugit taarsiissutissat naatsorsorneqassappat?

Naamik, suliffeqarfik taamaallaat annerpaamik 23.000 koruuninik pisinnaatitaavoq, piginnittut amerlassusaat apeqqutaanani, kisianni taamaattoq piginnittut arlaata aapparisaa atorfeqartinneqarpat, killiliussaq 46.000 koruuniuvoq.

Isumaqatigiissut qulakkeerneqarsimasinnaagaluartoq taartisissutigineqarsinnaava?

Naamik, taartisiassanik qinnutiteqaataasinnaasut tassaapput kaaviaartitatigut annaasaqaatit, taamaattumik isumaqatigiissut taartisiutigissagaanni qulakkeereerneqareersimassaaq.

Ingerlatassanut kinguartinneqartunut, taamaatinneqarsimasutut, taarsiivigitittoqarsinnaava?

Ingerlatassat taamaatinneqartut kisimik taamaatitsinernut taarsiivigineqarnissaat periarfissinneqarpoq, kisianni qaammammi pineqartumi 30 %-inik sinnerlugit kaaviiaartitani annaasaqarsimagaanni, ilanngullugu kinguartitsinerit pissutigalugit, tamanna aningaasartuutinut aalajangersimasunut taarsiivigineqarsinnaatitsivoq.

 

Aalajangersunik aningaasartuutinut taarsiissuteqarneq:

Suut aningasartuutit alajangersimasuuppat?

Naliginnaasumik makkusinnaapput:

  • Inimik attartornermut akiliutit
  • Kiassarnemut, kallerup inneranut imermut akiliutit
  • Attartornerut (Leasing) isumaatigiissutit
  • Taarsigassarsat erniaai aamma suliaq tunngavigalugu aningaasartuutit 
  • Ukiumoortumik aningaasartuutit, soorlu sillimmasiinerit, motorafgifti assigisaallu (qaammammut agguataarneqassapput)

Aningaasartuutit aalajangersimasut suut ilaanngillat?

Naliginnaasumik makku ilannguneqarsinnaanngillat:

  • Taarsigassarsianut akiliutit (Afdrag)
  • Nalikilliliinerit
  • Aningaasarsiat (taakku allatigut qinnutigineqassapput)
  • Aningaasartuutit allanngorartut
  • Aningaasartuutit ataasiakkat

Qanormi suliffeqarfinnik arlalinnik piginnittoq (selskab – koncern) ataasiuppat, aningaasartuutillu piginnittumut akiligassaallutik?

Suliffeqarfinnut arlalinnut piginnittoq ataasiutillugu, suliffeqarfiit akornanni aningaasartuutit taarsiiffigineqarsinnaapput niuaffimmi akigititanut naleqquppata.

Piginnivissunut ilaapputtaaq qanigisat.

 

Atorfeqartitanut aningaasarsiat aningaasartuutinut aalajangersimasunut ilanngunneqarsinnaappat?

Naamik, Akissarsianut aningaasartuutit aaqqissuussaq alla aqqutigalugu taartisissutigineqarsinnaapput.

Privatimik aningaasartuutit allat ilaasinnaappat?

Privatimik aningaasartuutaapput soorlu suliffimmiit inigititaq, biilerititaq, feriarnissamut billettit, suliffimmiit telefonerititaq il.il.

Suliffeqarfimmik piginnittut pisortallu qullersaat qanitaanullu privatimik aningaasartuutit ilanngunneqarsinnaanngillat.

Sulisorisat privatimik aningaasartuutaat ilanngunneqarsinnaapput, sulisulli nammineq akiliutaa ilanngaatigalugu.

 

Akisussaassuseqartumik ajornartoornermi atukkat:

Naningaasartuutinut taarsiissutisiarinngisanut atorniartoqarsinnaava?

Aap, piumasaqaatitit pingaaruteqartut malinneqarpata, akiligassaq akiligassaappat, akilersinnaanngikkaanni, aningaaserivimmiillu atorsinnaanngikkaanni.

 

 

Qinnuteqarneq:

Atuisuulereersimagumami?

Atuisutut isissutit atorlugu isiinnassaatit.

Isissutit puujorsimagukku 34 28 80-mut sianerlutit imaluunniit info@innovation.gl allallutit piniarsinnaavat.  

qaammatit tamaasa qinnuteqartoqartassava, annaasaqarsimagaanni?

Aap, qaammammuinnaq qinnuteqartoqarsinnaavoq.

Internetteqarnanga qinnuteqarsinnaavunga?

Isorliunerusunut qinnuteqarnermut periaatsit takuniarlugit, saamiani tuugassaq tooruk.

Uppernarsaatit qanoq annertutigisut atussavisigit?

Saamiatungaani tuugassami uppernarsaatinut piumasaqaatit takukkit. Qinnuteqaatit uppernarsaatinik naammattunik ilaqartinneqanngitsut, itigartinneqassapput.

Qaqugu aningaasat tunniunneqqassappat?

Suliassat takkussuunneri malillugit suliarissavagut sukkanerpaamillu suliariniassavagut.

Uppernarsaatit tamaasa tunniutereerukkit aningaasat ullualuit qaangiunnerani ikereersimassapput.

GREENLAND VENTURE
Atuaruk
INNOVATION GREENLAND
Atuaruk
GREENLAND HOLDING
Atuaruk
GREENLAND BUSINESS A/S · Qullilerfik 2, 4. sal · Boks 608 · 3900 Nuuk · Grønland · Tlf: +299 342880 · Email: Info@innovation.gl · GER: 12 65 24 61
;