Avammut tuniniaanissamut tapiissut

Suliffeqarfiit tunisassiatillu nunatta avataanut tuniniakkit, tuniniaaviup misissorneqarneranut, tuninialernissaanut pilerisaarinermut, nunallu assigiinngitsut akornanni tunisassiavit pilerisaarutiginissaanut aningaasatigut taperneqarlutit.

 

Kalaallit tunisassiaat nunatta avataani niuerfinni

Avammut tuniniaaneq niuerluarneruvoq - suliffeqarfimmut aammalu inuiaqatigiinnut. Taamaattumik kalaallit tunisassiaasa nunanut allanut niuerutigineqarnerinut taperneqarsinnaaneq periarfissaavoq.

Suliffeqarfiit avammut tunineqarsinnaasunik tunisassiorpat periarfissanik ujarlernermut pilerisaarinerullu aallartinnissaanut taperneqarsinnaavutit. Assersuutigalugu tuniniaavinnik misissuinissamut naalaagaaffiit aallartitaqarfiinit ikiorneqarlutit misissuisitsisinnaavutit misissuinerullu aningaasartuutai akilertissinnaavatit.

 

Qanoq qinnuteqartoqarsinnaava?

Pilersaarutit qinnuteqarnermut immersugassami oqaluttuarissavat aningaasartuutissatillu pilersaarummut attuumassutillit tamassa ilanngullugit missingersuusiorlugit. Pingaaruteqarpoq qinnuteqaatinni takussallugu suliffeqarfiutivit avammut tuniniaanissamut nukissaqarnera, piginnaassat ilisimasallu pigineqarneri.

 

Kikkut taperneqarsinnaappat?

Tapiissutit namminersorlutik inuutissarsiuteqartunit suliffeqarfinnillu GER normulinnit qinnutigineqarsinnaapput. Taperneqarsinnaavutit nunani siornatigut tuniniaaffigisimanngisanni tuniniaaniaruit.

 

Qassinik tapiiffigittoqarsinnaava?

100.000 kr tungaanut pisinnaavutit, makkununnga atugassannik:

  • Inuutissarsiutigalugu sinnersuisartumit siunnersorneqarnermut tuniniaaviillu misissuiffigineqarnerannut
  • Takutitsinermut peqataanermi assigisaannullu aningaasartuutinut
  • Tuniaanissamik pilerisaarinermut

 

Aningaasat sumut atorneqarsinnaappat?

Tapiissutit inuutissarsiutigalugu siunnersortinit soorlu ambassadeqarfinnit, avammut tuniniaanermut siunnersuisoqartigiinniit, niuertut peqatigiiffiiniit, namminersorlutillu siunnersuisunit siunnersortinnermut, tuniniaanissamillu pilersaarusiortitsinermut atorneqarsinnaapput. Tapiissutit ulluinnarni aqutsinermut, ataavartumik pisiortornermut imaluunniit aningaasartuutinut ataavartunut atorneqassanngillat.

 

Qinnuteqaat una toorlugu aajuk

Ilitsersuut una toorlugu aajuk

Killissaritaasunut ilitsersuut

 

PROJEKTER
Atuaruk
VENTURE
Atuaruk
INNOVATION
Atuaruk
HOLDING
Atuaruk
GREENLAND BUSINESS · A/S Boks 608 · 3900 Nuuk · Grønland · Tlf: +299 342880 · Email: Info@greenlandbusiness.gl · GER: 12 65 24 61
;